بارزانی لەسەر دەستگیرکردنی هاوسەرۆکانی هەدەپە،
سەلآحەدین دەمیرتاش و فیغان یوکسەکداغ هاتە دەنگ و نیگەرانی خۆی لەسەر
دەستگیرکردنیان دەردەبڕێت.
لە راگەیەندراوێکی سەرۆکایەتی هەرێم ئاماژە بۆ ئەوە
دەکات " بڕیاری
گیرانی هەردوو هاوسەرۆكی پارتی دیموكراتی گەلان و ژمارەیەك لە پارلەمانتارانی ئەو پارتە
و دەستبەسەركردنیان لە لایەن حكوومەتی توركیا جێگەی نیگەرانیی ئێمەیە. مەترسیی ئەوە
هەیە كە كرداری لەمجۆرە ببێتە هۆی ئاڵۆزتربوونی بارودۆخەكە و كێشەكان قووڵتر ببنەوە".
لەو راگەیاندراوەدا هاتووە "هیوادارین كە هەرچی زووترە ئەو كێشەیە چارەسەر
بكرێت و كۆتایی بە گرتن و دەستبەسەركردنی هاوسەرۆك و ئەندامانی پارتی دیموكراتی گەلان
بهێندرێت و گیراوە سیاسییەكانی ئەو پارتە ئازاد بكرێن. چونكە لە خزمەتی سەقامگیری و
پێكەوەژیانی سیاسی و كۆمەڵایەتیدا نییە".