ماڵپەڕێکی نزیک لە یەکێتی نیشتیمانی کوردستان ئاشکرایدەکات وەزارەتی دارایی و ئابوری حکومەتی ھەرێم خشتەیەکی نوێی موچە بۆ مانگی ١٠ بڵاودەکاتەوە، ھەفتەی داھاتوو موچەی ژمارەیەک وەزارەت و دەستە دابەشدەکرێت.

ماڵپەڕی تۆڕی هەواڵی سلێمانی کە پێشتر ماڵپەڕی فەرمی مەڵبەندی یەکی یەکێتی بوو ئاشکرایکردووە ڕۆژی یەکشەممەو دووشەممە مووچەی مانگی (١٠)ی دەزگای گشتی ئاسایش و ئەنجومەنی ئاسایش، لەگەڵ فەرماندەیی پێشمەرگەی زێرەڤانی و فەرماندەیی پێشمەرگەی بەرگری و فریاکەوتن دابەشدەکرێت.

ماڵپەڕەکە بڵاویشیکردووەتەوە ڕۆژانی چوارشەممەو پێنجشەممە موچەی وەزارەتی دارایی و ژمارەیەک دەستە دابەشبکرێن.

ڕوونیشیکردووەتەوە کە تا کۆتایی ئەم مانگە، موچەی مانگی ١٠ی سەرجەم وەزارەتەکان دابەشدەکرێت.