رێكخراوێك تا 2 ملیار دینار قەرز بە گەنجانی هەرێم دەدات
رێكخراوی زەرد بە هاوكاری بانكی ناوەندی عێراق پرۆژەی پێدانی قەرز لە كوردستان رادەگەیەنێت، بەڕێوەبەری رێكخراوەكەش زانیاری زیاتر لەوبارەیەوە ئاشكرا دەكات.
موحسین مامەڵ بەڕێوەبەری رێكخراوی زەرد رایگەیاند: لە چوارچێوەی دۆزینەوەی هەلی كاركردندا هەوڵێكی زۆرماندا تاوەكو لە رێی بانكی ناوەندی عێراقییەوە قەرز بە گەنجانی كوردستان بدەین.
بەڕێوەبەری رێكخراوی زەرد وتیشی: تاوەكو ئێستا پێدانی قەرزی بچووك بەردەوامە، بەڵام ئەو كەسانەی دەیانەوێت قەرزی گەورە وەربگرن دەتوانن لە ئێستاوە سەردانی رێكخراوەكەمان بكەن و پرۆژەكانیان پێشكەش بكەن.
موحسین مامەڵ بۆ دوارۆژ ئاشكرایكردووە قەرزەكەیان بۆ پرۆژەی گەنجان لە 50 ملیۆن تاوەكو 2 ملیار دینار دەبێت.
PM:03:19:18/02/2017