سەڵاحەدین دەمیرتاش، هاوسەرۆكی هەدەپە سبەی سەرلەبەیانی لە شاری ئەنقەرەی پایتەختی توركیا دادگایی دەكرێت.
بڕیارە كاتژمێر 10ی سەرلەبەیانیی رۆژی هەینی 7ی تەمموز، سەڵاحەدین دەمیرتاش، هاوسەرۆكی پارتی دیموكراتی گەلان (هەدەپە) و پەرلەمانتاری كورد لە پەرلەمانی توركیا ئامادەی دانیشتنی دادگاییكردنی لە ئەنقەرە ببێت.
سەڵاحەدین دەمیرتاش، پێشتر لەرێگای ڤیدیۆ كۆنفرانسەوە دادگایی دەكرا، بەڵام رۆژی هەینی بۆ یەكەمجار ئامادەی دانیشتنی دادگاییكردنەكەی دەبێت و لە شاری ئەدێرنەوە دەگوازرێتەوە ئەنقەرە.
سەڵاحەدین دەمیرتاش، هاوسەرۆكی هەدەپە لە 4/11/2016 دەستگیر كرا و داواكاری گشتیی كۆماری توركیا 96 تۆمەتی ئاراستە كردووە، كە لە هەموویان دیارتر، "سووكایەتیكردن"ە بە رەجەب تەییب ئەردۆگان، سەرۆك كۆماری توركیا و پشتیوانیكردنی پارتی كرێكارانی كوردستان (پەكەكە)یە.