هۆشیار زێباری، ئەندامی مەکتەبی سیاسی پارتی ڕایگەیاند، وه‌ڵامه‌كه‌ی گۆران ئیجابی نه‌بووە‌.

هۆشیار زێباری ئه‌ندامى مه‌كته‌بی سیاسی پارتی وتی بزوتنه‌وه‌ی گۆڕان ئیجابی نه‌بووە‌ و مەرجى پێشوەختیان داناوە کە ئەوەش نابێتە هۆکارێک بۆ چارەسەرکردنی کێشەکان، له‌گه‌ڵ ئه‌وه‌شدا ئەو ئەندامەى مەکتەبى سیاسى پارتى دەڵێت، ئاماده‌ن بۆ كۆبوونه‌وه‌ له‌گه‌ڵ بزوتنه‌وه‌ی گۆڕاندا.

لە بەرامبەردا، برزۆ مەجید ئه‌ندامی جڤاتی نیشتمانى گۆڕان بە ئێن ئاڕ تی وتووە هەر لایەنێک ڕاگەیەنراوەکەى گۆڕان بە ئیجابى نابینێت مەبەستی چارەسەرکردنى کێشەکانى هەرێم و سەروەرى یاسا نییە.

پێشتر وتەبێژى پارتى بە میدیاى حزبەکەى ڕاگەیاند، پاش دیراسه‌كردن و هه‌ڵسه‌نگاندن، خه‌ڵكی كوردستان لە وەڵامى پارتى بۆ گۆڕان ئاگادارده‌كه‌نه‌وه‌.