پاش ئەوەی لیستەکەی بەرهەم ساڵح دووەم جێگری سكرتێری
گشتیی یەكێتی لەلایەن كۆمسیۆنی باڵای سەربەخۆی هەڵبژاردن و راپرسی بە فەرمی تۆمار كرا،
وتەبێژی یەكێتی لەمبارەیەوە لێدوان دەدات.
سەعدی ئەحمەد پیرە وتەبێژی یەكێتی نیشتمانیی كوردستان
لەمبارەیەوە ڕاگەیاند، "كاك بەرهەم كەسایەتیەكی سیاسییە و بڕیاری داوە بۆخۆی لیستێكی
سەربەخۆ بۆ هەڵبژاردنەكان دیاری بكات، زیاتر گوتی، ئەوكاتەی كۆمسیۆن بە فەرمی وەڵامی
دایەوە ئەوكات ئەویش واژووی دەكات و لە ناو یەكێتی كاری نامێنێ".
ناوبراو بە "وشە"ی وتوە: دوای ڕاگەیاندنی لیستەكەی، كاك بەرهەم ناتوانێ لە
دوو لایەنی سیاسی جیاواز كاری خۆی بكات و پێویست ناكات یەكێتی لەسەر ئەو بابەتە قسە
بكات، چونكە ئەو خۆی خۆی لە ناو یەكێتی دەردەكات و دوای ئەوەش تەنیا وەك دۆستێك پێوەندیان
دەبێت.
دوێنێ شەممە بە فەرمی كۆمسیۆنی باڵای سەربەخۆی هەڵبژاردن و ڕاپرسی
لە هەرێمی كوردستان، لیستەكەی بەرهەم ساڵح جێگری دووەمی سكرتێری گشتی یەكێتی نیشتمانیی
كوردستانی تۆمار كرد وەك قەوارەیەكی سەربەخۆ بۆ هەڵبژاردنی داهاتوو.