مەسعود بارزانی بە ڕادیۆیەکی ئەمریکی دەڵێت "پەشیمان نیم لە ڕیفراندۆم" و هەروەها دەڵێت ئەمریکا دژی هەرێمی کوردستان بوو وە "ئێمەش لەمەودوا بە پەیوەندیمان لەگەڵ ئەمریکادا دەچینەوە"
لەیەکەم دیداریدا دوای وازهێنانی لەپۆستەکەی مەسعود بارزانی ، سەبارەت بە چاوەڕوانییەکانیان بۆ پەرچەکردارەکانی بەغدا دوای ڕاپرسی دەڵێت ، "چاوەڕوانی داخستنی سنوور و گەمارۆی ئابووریمان دەکرد، بەڵام هەرگیز چاوەڕوانی ئەوەمان نەکردووە کە هێرشی سەربازیی بکرێتە سەرمان".
جان عەڕاف، پەیامنێری رادیۆی ئێن پی ئاڕی ئەمریکی بەشێکی دیدارەکەی لە توویتەری خۆی بڵاوکردووەتەوە و بڕیارە ئەمڕۆ تەواوی دیدارەکە بڵاوبکرێتەوە.
لەبارەی داهاتووی پەیوەندییەکانیشیان لەگەڵ ئەمریکا و هەڵوێستی رووسیا دوای ڕاپرسی ، بارزانی رایگەیاندووە، "پێداچوونەوە بە پەیوەندییەکانمان لەگەڵ ئەمریکا دەکەین ، چونکە پشتگیری عێراقیان کرد لە دژی هەرێمی کوردستان".
هەروەها رۆڵی رووسیای لەبارەی ڕاپرسی بە "ئیجابی" وەسفکردوە.