خۆپیشاندان لە پارێزگای سلێمانی هەڵەبجە و قەزا و ناحیەكانی دەوروبەری بەردەوامە و هێزێكی ئەمنی زۆریش لە نێو نەخۆشخانەی فریاكەوتنی سلێمانی و دەوروبەری بڵاوەیان پێكراوە.
پاش كۆبوونەوەی بەڕێوەبەرایەتی گشتی تەندروستی سلێمانی داوای لە پزیشكان و كارمەندان كرد بایكۆتی دەوام بشكێن و نەیان شكاند، لەئێستادا هێزێكی زۆری ئەمنی لە نێو نەخۆشخانەی فریاكەوتنی سلێمانی و دەوروبەری بڵاوەیان پێكراوە.
لەئێستادا و دوای بڵاوەپێكردنی ئەو هێزە ئەمنیە زۆرە زۆرینەی بەشەكانی نەخۆشخانەی فریاكەوتنی سلێمانی داخراون.
مامۆستایان و فەرمانبەران و لەنێویشیاندا پزیشك و كارمەندانی تەندروستی نەخۆشخانەكان لە سلێمانی و چەند ناوچەیەكی دیكەی هەرێم دەستیان بە بایكۆت و خۆپیشاندانی ناڕەزایەتی كردووە و داوا دەكەن سیستمی پاشەكەوتی موچە لابرێت، ئەگەرچی حكومەت بەشێكی ئەو پاشەكەوتەی لابرد بەڵام خۆپیشاندەران داوای لابردنی تەواوەتی پاشەكەوتی موچە دەكەن.