بەرێوەبەرایەتی تەندروستی سلێمانی رایگەیاند، لە کارگەیەکی ساردەمنی شاری سلێمانی دەستیان بەسەر بەرێك مەوادی بەسەرچوودا گرتووە.
بەرێوەبەرایەتی تەندروستی سلێمانی لەراگەیەندراوێكدا كە وێنەیەكی دەست (سپی) كەوتووە، رایگەیاندووە" لەدرێژەی كار و چالاكیەكانی لیژنەكانی چاودێری تەندروستی سەر بە بەڕێوەبەرایەتی گشتی تەندروستی سلێمانی و بەدواداچوون بۆكارگە و شوێن و خواردنگەكان، لەماوەی چەند ڕۆژی ڕابردوودا لەیەكێك لەكارگەكانی تووی مەلیك دەست بەسەربڕێك مەوادی ماوەبەسەرچوودا گیرا".
ئەوەشخراوەتەڕوو، مەوادە بەسەرچووەكان بریتی بوون لە 22 كیلۆگرام كاكاو و مرەبا و حەشووەی شوكلاتە و یەك لیتر تامی فستق، دوابەدوای دەست بەسەراگرتنی مەوادە بەسەرچووەكان ڕێكاری یاسایی لەبەرامبەر خاوەنی كارگەكە گیراوەتەبەر".
لەلایەكی دیكەوە لیژنەكانی چاودێری تەندروستی دەستیان گرت بەسەر دوو هەزار كارتۆن چلورە كەدووجار لەپشكنین دەرنەچوو".