بە بڕیاری وەزارەتی پەروەردەی هەرێم، بەشێكی پڕۆگرامی وانەی كیمیا بۆ پۆلی 12ی ئامادەیی زانستی لادەبرێت.
بەپێی فەرمانێكی وزاری وەزارەتی پەروەردەی هەرێم، كە بەژمارە (15838 لە 9-12-2020) دەرچوووە و ئەمڕۆ بەڕێوەبەرایەتی گشتی پەروەردەی هەولێر گشتاندنی بۆ كردووە، بڕیار دراوە بە هەڵپەساردنی هەردوو بەندی (9 و 12) لە پەرتووكی كیمیای پۆلی 12ی ئمادەیی زانستی.
هەر لە فەرمانە وەزارییەكەدا هاتووە، ئەم بڕیارە قوتابیانی دەرەكی و چاككردنی تێكڕایی نمرەش دەگرێتەوەو بڕیارەكەش تەنها بۆ ئەمساڵی خوێندنە.