دەکرێت سەرۆکی حکومەت ئەوەی بیر بێت کاتی ڕیفراندۆم وەزیری دەرەوەی ئەمەریکا تیلەرسن لەنامەیەکدا بۆ سەرۆکی هەرێمی ئەوکات و هەرێمی کوردستان داوای ماوەیەک دواخستنی ڕیفراندۆمی کرد و بەڵێنی زۆر کاری دا ، لێ سەرۆکی هەرێم حسابی بۆ نەکرد، هەر خۆی بێ نامەکەش سەرۆکی هەرێم باسی پەیوەندیە تەلەفونیەکەی نێوان تیلەرسن و خۆی کرد، کەمن نامەوێ لێرەدا باسی بکەمەوە، کەچی لەبری بەیەکەوە تێپەڕاندنی ئەو میحنەتە سەرۆکی حکومەت و حزبەکەی کەوتنە تەخوینکردنی هاوپەیمانەکەیان و تۆزی سەر شانی خۆیان بەوە لابرد لەکاتێکا دەکرائەو ڕوداوانە ببوایەتە عیبرەتێک ، نەبوون ئێستاش ئەوە بارو دۆخی ناوخۆی هەرێمەو سەرۆکی حکومەت وتەنی خوێنمان لێدەچۆڕێت، ئەو دەم نامەکەی تیلەرسنمان وەلا ناو ئەوەمان کرد کە ئێستا ئەنجامەکەی دەبینین ئێستاش بەم هەموو برینەوە پەنا بۆ سەرۆکی ئەمەریکا دەبەین.

هەرێمی کوردستان بەر لەهەر کارێک پێویستی بەساڕێژ کردنی برینەکانی نێو خۆیەتی ، پێوێستی بەئاشتکردنەوەی خەڵک و ڕێکخستنەوەی نێو ماڵەکەو ئازادی و کرانەوەی زیاترە ناکرێت باسی دیموکراتی بکرێت و هەموو دەسەڵاتەکان لەچنگی یە کەسدا بن، ناکرێت لە شارێکی وەک کەرکوکی زامداردا لەبری پێکەوە بوون نەفرەت لەیەکتر بکەین و چاوەڕێش بکەین خەڵکی تر برینەکانمان ببینن، خۆمان برینی براکانمان نەبینین بەڵام داوا لەبایدن بکەین ساڕێژی برینەکانمان بکات، من وەک خۆم نەک کەرکوک لەسەر زنجیرە چیای حەمرینەوە بەکوردستان دەزانم و بڕوام وایە ڕۆژێک ئەو خەونە دێتە دی، بەڵام ئەمە بە پێکەوەیی دەبێت لە حەمرینەوە تا دواپنتی باکوری کوردستان خاکی خەڵکی کوردستانەبۆیە دەبێت شەڕەکەمان بەپێکەوەیی لەپێناوی هەمیدا بێت، نەک هەر خەریکی تەخوین ومتەخوینکاری بین، لەگەڵ ئەوەدام بۆ چارەسەرهەرچی پێویستە بکرێت ، بەڵام کاتێک لەناوخۆدا لەیەک تیم بچین، نامەکەی دەینێرین نامەی یەک تیم بێت، دان بەهەڵەو کەموکوڕیەکانی خۆماندا بنەین وبڵێین دەبوو ئەوەمان  نەکردایە دەبوو بەنامەکەی تیلەرسنمان بکردایە تائێستانامەکەمانیان باشتر بخوێندایەتەوە، نەک نامەکە لەبارو دۆخێکدا نوسرابێت کە شەپۆلەکان تادێ زیاتر کەشتیەکەمان شپرزە دەکات.

بەر لە ناردنی نامە بۆ بایدن دەبوومبەیەکەوە یەخەی بەغدامان بگرتایە، ئەمانە قسەی سادەی بابایەکن کەبرینەکان دەبینێت و پێی وایە ئەم سیاسەت و بەڕێوە بردنە هەڵەیەی ناوخۆ بەهەزارنامە چارەسەر نابێت.