سەرۆکی حکومەتی ھەرێم داوا لەهاوڵاتیان دەکات کە "ئەرکی خۆیان جێبەجێبکەن" و ڤاکسینی کۆرۆنا وەربگرن.
مەسرور بارزانی سەرۆكی حكومەتی هەرێمی کوردستان لە هەژماری تایبەتی خۆی لە تۆڕی کۆمەڵایەتی تویتەر پەیامێکی ئاڕاستەی هاوڵاتیان کردووە و دەڵێت" تاوەكو ئێستا زیاتر لە یەك ملیۆن پیكوتەی كۆرۆنامان دابینكردووە".
سەرۆکی حکومەتی هەرێم لەبەشێکی تری تویتەکەیدا داوا لە هاوڵاتییان دەکات، ئێستا نۆرەی ئێوەیە ئەركی خۆتان جێبەجێبكەن، پێكوتە وەربگرن و كوردستان بپارێزن.
بەپێی دوایین ئامارەکانی وەزارەتی تەندروستی حکومەتی ھەرێمی کوردستان، تائێستا دوو ملیۆن و ٧٢٥ ھەزار و ٧٥٨ پشکنینی کۆرۆنا ئەنجامدراوە و لە ئەنجامدا، ٢٢٧ ھەزار و ٥٨٣ حاڵەتی تووشبوون بە ڤایرۆسی کۆرۆنا تۆمارکراون و پێنج هەزار و ١٦٧ تووشبووش گیانیان لەدەستداوە.