پارێزگای هەولێر رایدەگەیەنێت" ئەو کافتریایەی (سروودی بەعسی) لێدابوو بڕیار درا کە دابخرێت و خاوەنەکەی دەستگیر بکرێت".
نوسینگەى پارێزگارى هەولێر لە بڵاوکراوەیەکدا ئاماژەی بەوەکردووە" کافتریایى (پەرمى جیانۆ) لە شارى هەولێر بە ئاشکرا سرودى ڕژێمى بەعسی پەخشکردوە، بۆیە پارێزگارى هەولێر بڕیاریدا خاوەنەکەى دەستگیربکرێت و کافتریاکەش داخراوە".
ئەوەشی خستەڕوو: هاوڵاتییان و هاوشاریانى سنورى پارێزگاکەمان دڵنیادەکەینەوە، ئەوانەى ئەمجۆرە کارانە دەکەن، بەمەبەست و دور لە هەمو بەهایەکى نیشتیمانى و نەتەوەیی و پیرۆزى خوێنى شەهیدان و تێکۆشانى گەلەکەمان کار دەکەن، کە تەنها مەبەستیان ناڕەحەتکردنى هاوڵاتییانە، بۆیە بە هیچ شێوەیەک لێیان قبوڵناکرێت و ڕووبەڕووى ڕێکارى یاسایی و سزادان دەکرێنەوە.