شەوی رابردوو لە پارێزگایەکی عێراق ڕووداوێکی هاتووچۆ لە جۆری پێکدادان ڕوویدا، کە بەهۆیەوە (١١) کەس گیانیان لەدەستداوە و دوو کەسی تریش بریندار بوون.
بەڕێوەبەرایەتی گشتی هاتوچۆی عیراق لە ڕاگەیەندراوێکدا ئاماژەی بەوەکردووە" لە پارێزگای بابل و لەسەر ڕێگەی نێوان (بەغداد- حللە) لە ناوچەی تونس دوو ئۆتۆمبێل پێکیاندادا و لە ئاکامدا (١١) هاوڵاتی گیانیان لەدەستداوە و دوو کەسیش برینداربوون".
ئەوەشی خستەڕوو، رووداوەکە بەهۆی خێرا لێخوڕین و بێئاگایی روویداوە و ژمارەیەک لە قوربانییەکانیش مامۆستای زانکۆ بوون.