لە سنوری پارێزگای هەولێر لە نزیک کەمپی دیبەگە بەهۆی تەقینەوەی پاشماوەی تەقەمەنییەوە دوو برا گیانیان لە دەستدا.
ئەو دوو قوربانییە کە شوان بوون دوو منداڵی برای یەکدین و تەمەنیان لەنێوان نۆ بۆ ١١ ساڵانە وخەڵکی گوندی دێوانەی سەر بە قەزای مەخمورن.
تەقەمەنییەکە مینە و لە کاتی جەنگی عێراق و ئەمریکادا لە ژێر زەویدا چێندراوە و بەهۆی بارانبارینی زۆرەوە دووبارە دەرکەوتووەتەوە و ئەو دوو منداڵەش بۆ یاریکردن چوونەتە نزیک ئەو بۆمبە و دەستکارییان کردووە و پێیاندا تەقیوەتەوە.