داهاتی نەوت لە مانگی ئایاردا حەوت ملیار دۆلاری تێپەڕاندووە.
وەزارەتی نەوتی عێراق ئەمڕۆ لە راگەیەنراوێكدا رایگەیاندووە، كۆمپانیای بە بازاڕكردنی نەوتی عێراق ناسراو بە (سۆمۆ) لە مانگی ئایاردا ١٠٢ ملیۆن و ٤٦٣ هەزار و ٣٨٧ بەرمیل نەوتی فرۆشتووە و داهاتەكەشی، حەوت ملیار و ٣٢٤ ملیۆن و ٦٤١ هەزار دۆلار بووە.
هەر بەپێی راگەیەنراوەكە، سەرجەم نەوتی فرۆشراو لە كێڵگەكانی باشورو ناوەڕاستی عێراق دەرهێنراون و تێكڕا هەر بەرمیلێك نەوت بە ٧١ دۆلار و ٤٨ سەنت فرۆشراوە.