چەکدارانی داعش کاتژمێر ١٠ ی ئەمشەو لە قۆڵی وادی عوسەج وبەنزینخانەوە هێرشێکیان کردە سەر هێزی پێشمەرگە، پاش کاتژمێرێک شەڕ هێرشەکە لەلایەن هێزی پێشمەرگەوە تێکشکێنرا.
سەرچاوەیەکەی ئاگادار لەهێزی پێشمەرگەی کوردستانەوە بەسپی میدیای راگەیاند کە کاتژمێر ١٠ ی ئەمشەو ٦ ی تشرینی یەکەم، چەکدارانی داعش لە نزیک شارۆچکەی جەلەولا لەهەردوو بەرەی شەڕی وادی عوسەج و بەنزینخانە هێرشیان کردە سەر هێزی پێشمەرگەو شەڕێکی قورس لەنێوان هەدوولادا روویدا.
سەرچاوەکەی سپی باس لەوە دەکات پاش کاتژمێریک شەڕ چەکدارانی داعش شکان و هەڵهاتنەوە بۆ شوێنەکانی خۆیان.
سەرچاوەکەی سپی رایگەیاند کە هێزی پێشمەرگە هێج زیانێکی گیانی نییە، تا ئێستا زیانەکانی داعشیش نەزانراوە.
هەر ئەمشەو بۆمبێكی چێنراو لەسەر رێگای خانەقین – جەلەولا لەنزیک کارگەی قیرەکە بە ئۆتۆمبیلێکی هێزی پێشمەرگەدا تەقیەوەو لەئەنجامدا ٥ پێشمەرگە شەهیدبوون.