لویس ئینریکی ڕاهێنەری پاریس سانجێرمان متمانەی خۆی بۆ گەڕانەوەی بەرامبەر بەرشەلۆنە دووپاتکردەوە دوای ئەوەی لە یاریگای پارک دی پرینس لە یاری چوونی قۆناغی چارەکی کۆتایی چامپیۆنزلیگ بە ئەنجامی 3-2 دۆڕا.
ئێنریکی لە لێدوانەکانیدا لەمیانی کۆنگرە ڕۆژنامەوانییەکەدا وتی: پیرۆزبایی لە بارسێلۆنا دەکەم بۆ ئەو یارییەی ئەنجامیاندا و بۆ بردنەوەکە، پێموایە توانیمان ئەنجامێکی جیاواز بەدەستبهێنین، بەڵام تەنها بیر لە یاریی گەڕانەوە دەکەینەوە.
لە درێژەی قسەکانیدا وتی: کاتێک لەم ئاستەدا یاری دەکەیت و سەیری یاریزانانی بەرشەلۆنە دەکەیت، ئەوان ئاستێکی بەرزیان هەیە وەک یاریزانەکانی ئێمە، باشە ئەنجامەکە ئاماژەیە بۆ ئەوەی کە ئەوان کەمێک باشتر بوون لە هەندێک لایەنی یارییەکەدا، ئێمەش چانسی ئەوەمان هەبوو گۆڵی سێیەم تۆمار بکەن کاتێک ئەنجامەکە 2-1 بوو، ئێمەش کاتێک 2-1 بوو گۆڵمان لێکرا ، ئەنجامەکەبووە 2-2 ”.
ئاماژەی بەوەشکرد، هەلی گۆڵێکی دیکەمان هەبوو، لە کۆتاییدا لە هێرشێکی خێرادا گۆڵی سێیەممان دەکرد، من لەو خواستە تێدەگەم کە ڕەنگە کەسێک ناچاربێت هەموو شتێک لەناوببات، بەڵام ئەمە حاڵەتی ئێمە نییە.
ئاماژەی بەوەشکرد، بەبەراورد بە ئەنجامی 2-1 لە سەرەتای گێمی دووەم، دەرفەتمان بۆ ڕەخسا کە ئەنجامەکە بکەینە 3-1 لە سەرەتای گێمی دووەمدا نیوەی یاریگاکەیان بڕی، گۆڵەکەی ڕافینیایان تۆمارکرد”.
لە درێژەی قسەکانیدا وتی: ئەو یاریزانەی لە باڵەوە دێت، دەچێتە پشتەوەی هێڵی بەرگری، و بە دەست لێدانی یەکەم گۆڵێک تۆمار دەکات، تەنها دەتوانیت چەپڵەی بۆ لێبدەیت و لێرەوە، ڕوونە کە ئەوان سەرنجیان لەسەر وردەکارییە بچووکەکان دەبێت. ”
ڕوونیشی کردەوە: هەرگیز نەمگوتووە بەرشەلۆنە پاڵێوراوە بۆ سەرکەوتن، وتم لەڕووی مێژووییەوە یانەی بەرشەلۆنە یانەیەکی خاوەن ئەزموونی زیاترە، 5 پاڵەوانی بەدەستهێناوە، لەکاتێکدا ئێمە هیچ نازناوێکمان بەدەست نەهێناوە، لەژیانمدا هەرگیز بیرم لەوە نەکردۆتەوە ڕکابەرەکە لایەنگری سەرکەوتن بوو. ئەمە شێوازی بیرکردنەوەی من نییە." بە هیچ شێوەیەک".
وتیشی: "من یاریزانی بەرامبەر بە باشتر نابینم، گرنگ نییە کێ بێت، تەنانەت ئەگەر زۆر لە من باشتر بێت، ئەمە شێوازی بیرکردنەوەی منە و بەردەوام دەبم لە بیرکردنەوە کە دەچینە بەرشەلۆنە بۆ سەرکەوتنی، چونکە هیچ شتێک بەسوود نییە جگە لە سەرکەوتن”.
لە کۆتاییدا وتی: من تاکە کەسم لەم ژوورەدا کە سەیری هەموو ڕاهێنانەکان دەکەم و دووبارە سەیری یارییەکان دەکەمەوە، چونکە من ڕاهێنەرم و بەهۆی ئەوەی ساڵانێکی زۆرە لەم بوارەدا کار دەکەم، هیچ گومانێکم لە تواناکانمان نییە بۆ گەڕانەوە لە یاری گەڕانەوەدا، ئێمە بە هەمان شێوە لە دەرەوەی یاریگاکەمان یاری دەکەین و لە خولەکەشدا لە دەرەوەی یاریگا نەدۆڕاوین”.