دوای خۆپیشاندانی ئەمڕۆی شارۆچکەی چوارقورنە بەڕێوەبەری ناحیەکە دەڵێت: لەبەر ئەوەی بودجە نییە ناتوانین چاکی بکەین و من جارێکی دیکە ئامادە نیم لە چوارقوڕنە دابنیشم و سبەی دەستلەکارکێشانەوەی خۆم پێشکەش دەکەم.
حسێن عەبدوڵا بەڕێوەبەری ناحیەی چوارقوڕنە بە NRT ی ڕاگەیاند "دروشمی خۆپیشاندەران ئەوەبوو یان چاکی بکەن یان دەستلەکار بکێشنەوە، ئێمەش لەبەر ئەوەی بودجە نییە ناتوانین چاکی بکەین و من جارێکی دیکە ئامادە نیم لە چوارقوڕنە دابنیشم و سبەی دەستلەکارکێشانەوەی خۆم پێشکەش دەکەم".
بەڕێوەبەری ناحیەی چوارقورنە لە درێژەی قسەکانیدا دەڵێت: گەر دەستلەکارکێشانەوەکەم قبوڵ کرا ئەوا لە ماڵەوە دادەنیشم، گەرنا ئامادە نیم لە چوارقوڕنە دابنیشم و دەوام بکەم و دەمەوێت لە ئیدارەی ڕاپەڕین دەوام بکەم.
ئەمڕۆ ٨/٣ چەندین شارو شارۆچکەی ناوچەکانی سلێمانی و هەڵبجەو ئیدارەی راپەرین لەبەر خراپی خزمەتگوزاری خۆپیشاندانیان سازکرد، لە چواقورنەش خۆپیشاندانێک بەڕێوەچوو، لەئەنجامدا بینایەی ناحیەکە بەر هێلکەو بەرد دراو پێکدادان لە نێوان خۆپیشاندەران و هێزە ئەمنییەکان هاتە ئاراوە.