بەرپرسی دەستەی کارگێری مەکتەبی سیاسی یەکێتی، مەلا بەختیار، وتی" لەکاتی کێشە لەسەر پرسی سەرۆکی هەرێم ئێران داوایان کرد بە زووترین کات بارزانی بکەینەوە بە سەرۆکی هەرێم".
لە چاوپێکەوتنێکی تایبەت و درێژ لەگەڵ کەناڵی رووداو، مەلا بەختیار بەرپرسی دەستەی کارگێڕی مەکتەبی سیاسی یەكێتی، لەسەر رێکەوتنی یەكێتی و گۆڕان و کاریگەری ئەو رێککەوتنە لەسەر بارودۆخی هەرێم، پەیوەندی یەکێتی و پارتی، پرسی ریفراندۆم و کەرکوک و پەیوەندی هەرێم و بەغداو داهاتووی رۆژئاوا کرد.
مەلا بەختیار لەسەر رێککەوتنی نێوان حیزبەکەی و گۆڕان، وتی
-رێککەوتنەکە لەگەڵ رێککەوتننامەی ستراتیژی ناکۆکەو لهسهر سێ خاڵی ناكۆكم، ئهوانیش:
- هاوپەیمانییەتی نێوان فراکسیۆنەکانمان لە پەرلەمانی عێراق و کوردستان و پارێزگاکان.
- گەڕانەوەی پەرلەمان بەبێ مەرج لەگەڵ دەسەڵاتەکانی سەرۆکی هەرێم.
- هێنانی لایەنی دیکە بۆ نێو رێککەوتنەکە".
- نابێت لەگەڵ گۆڕان رێکبکەوین و لەگەڵ پارتی تێبکەوین.
- بەهۆی رێککەوتن لەگەڵ گۆڕان زۆر کێشەمان لە کۆڵ دەبێتەوە.
- نابێت رێککەوتنی یەکێتی و گۆڕان دوو ئیدارەیی دروستبکات.
- دوو ئیدارەیی ئەگەرێکی ئەم بارودۆخەیەو، هەرکەو بیکات بە خیانەتی دەزانم.
- هیوادارم ئەم رێککەوتنە نەبێت هۆی تەقاندنەوەی کۆی ناکۆکیەکان لەگەڵ پارتی.
مەلا بەختیار بەرپرسی دەستەی کارگێڕی مەکتەبی سیاسی لەسەر پەیوەندی خۆیان و پارتی، وتی:
- پارتی زووڵمی زۆری لە یەکێتی و حکومەت کردووە.
- بەدڵ و عەقڵ لەگەڵ گشت پرسین.
- ئێران داوای لێکردین پەیوەندیەکان باشبکەین و کاک مەسعود بە زووترین کات بکەینەوە بە سەرۆک.
- ئێمە وەک یەکێتی نابین بە بەشێک لە هیچ پیلانێکی گەورەو بچووک دژی پارتی.
سەبارەت بە یەکێتی و خاوەن کۆمپانیاکانی، مەلا بەختیار دەڵێت:
- کۆمپانیام نییەو رقم لەو سیاسیانەیە کۆمپانیایان هەیە.
- ئەو مەکتەب سیاسیەی پارەی نەوت بۆ خۆی دەبات بە قوڵزەرقوردی بێت و گەڕو گوول بێت.
-یەکێتی لەبەر چەند گەندەڵێک چۆڵناکەم.