ئەندامێکی مەکتەبی سیاسی یەکێتی نامەیەک بۆ جێگری سکرتێری گشتی و کارگێرانی مەکتەبی سیاسی دەنێرێت و بڕیاری سزادانی کادیریان کە هەفتەی رابردوو دران، بە سەرپێچی لە پەیڕەوی ناوخۆ ناوزد دەکات.
بەپێی بەڵگەنامەیەک کە دەست سپی کەوتووەو ئەندامێکی مەکتەبی سیاسی یەکێتی نامەیەک ئاراستەی جێگری سکرتێری گشتی یەکێتی و دەستەی کارگێری حیزبەکەی دەکات و ، سزادانی ئەو کادیرانەی هەفتەی رابردوو دران، بە سەرپێچی لە پەیڕەوی ناوخۆ ناوزەد دەکات.
لە نامەکەدا هاتووە" بەپێی مادەی ٢٨ و ٣٦ خاڵی ٣ لە پەیڕەوی ناوخۆ دەسەڵاتی سزادان نەدراوەتەوە جێگری سکرتێری گشتی و دەستەی کارگێڕی مەکتەبی سیاسی".
هەروەها لە نامەکەدا هاتووە "بەپێی مادەکانی ١١ و ١٢ و ٣٥ و ٤٥ بەپێی پەیڕەوی ناوخۆ، دەسەڵات دراوەتە مەکتەبی رێکخستن، کۆمیتەی سەرکردایەتی و، ئەنجومەنی ناوەند".
هەفتەی رابردوو جێگری سکرتێری گشتی و دەستەی کارگێڕی مەکتەبی سیاسی بە بڕیارێک لە رۆژی ٤/٨ دا سزای هەریەک لە عادل موراد ئەندامی ئەنجومەنی ناوەند، لاهور تاڵەبانی بەڕێوەبەری گشتی ئاژانسی پاراستن و زانیاری، شاناز ئیبراهیم ئەحمەد بەرپرسی رێکخستنەکانی دەرەوەی یەکێتی، سیروانی کوێخا نەجم ئەندامی سەرکردایەتی و عەتا سەراوی.