وەزیری شارەوانی ھەرێمی كوردستان رایگەیاند، كاری جدیان كردووە بۆ ئەوەی ئەو پێشمەرگانەی کە پارچە زەویان وەرنەگرتووە لە داهاتویەکی نزیکدا پێیان بدرێت.
نەورۆز مەولود، وەزیری شارەوانی و گەشتوگوزاری ھەرێمی كوردستان بە رۆژنامەنوسانی راگەیاند، "پێشتر ھەندێك پێشمەرگە پارچە زەوییان وەرگرتووە، بەڵام لیستی دیكەمان ھەیە و كاری جدیمان لەسەر كردووە، بۆ ئەوەی ئەنجوومەنی وەزیران رەزامەندی لەسەر بدات و ئەوانیش لە وەرگرتنی زەوی سوودمەندبن".
وەزیری شارەوانی و گەشتوگوزاری ھەرێمی كوردستان ئاماژەی بەوەشكرد، "چەند پڕۆژەیەكی یەكەی نیشتەجێ بوون بۆ كەسوكاری شەھیدان لە بواری جێبەجێكردن دان و، ھەركاتێك تەواو بوو دابەش دەكرێن".