یەكێتی نیشتمانی كوردستان بڕیاریدا تا كاتێكی نادیار، هیچ بەرپرسێكیان لێدوان و چاوپێكەوتن بۆ كەناڵە فەرمی و نافەرمییەكانی پارتی نەدەن.
بەپێی بڕیارێكی ئەمڕۆی بڕیاردەری مەكتەبی سیاسی یەكێتی، تا كاتێكی نادیار هیچ بەرپرسێكیان بۆیان نییە لێدوان یان چاوپێكەوتن بكەن بۆ كەناڵە فەرمی و نافەرمییەكانی پارتی دیموكراتی كوردستان.
ئەم بڕیارەی یەكێتی لە كاتێكدایە كە یەكێتی و پارتی بەهۆی بوونی دوو كاندیدی جیاواز بۆ سەرۆكایەتی كۆماری عێراق، لەئێستادا گرژی كەوتۆتە نێوانیان.