بەڕێوەبەرایەتی گشتی تەندروستی سلێمانی ژمارەیەک هەلی کاری رایگەیاند، "نەخۆشخانەی دڵی منداڵان لە شاری سلێمانی پێویستییان بە چەند کارمەندێکی پزیشکی هەیە و بۆ ئەو مەبەستەش مەرج و رێنماییەکانی تایبەت بە پێشکەشکردنی داواکاری بڵاودەکەنەوە".

ئەمڕۆ دووشەممە ١٤ی شوبات، بەڕێوەبەرایەتی گشتی تەندروستی سلێمانی لەراگەیەنراوێکدا ئاماژە بۆ ئەوە دەکات، بە پێی نوسراو و هەماهەنگی بەڕێوەبەرایەتی گشتی تەندروستی سلێمانی و ڕێکخراوی منداڵپارێزی کوردستان، داوای دامەزراندنی کارمەندانی پزیشکی کراوە بۆ چەند بەشێک لە نەخۆشخانەی دڵی منداڵان.

هەلی کارەکان و مەرجەکانی پێشکەشکردنی داواکاری بەمشێوەیەی خوارەوە هاتووە:

 ٭ پەرستاری چاودێری ورد  ( بڕوانامەی زانکۆ)

٭ پەرستاری نەشتەرگەری    ( بڕوانامە زانکۆ)

 ٭ یاریدەدەری بێهۆشکار     ( بڕوانامە زانکۆ)

 ٭ یاریدەدەری بێهۆشکار    ( بڕوانامە پەیمانگا)

 ٭ پەرستاری پێرفیوژن

٭ پەرستاری وێنەگری تیشک

 ٭ پەرستاری قاوش ( بڕوانامە پەیمانگا)

 ٭ ئینفێکشن کۆنترۆڵ

 ٭ یاریدەدەری دەرمانساز

٭ پەرستاری تاقیگە

٭ پەرستاری هیمۆداینامیک

 ٭ پەرستاری چارەسەرکاری  سروشتی

 ٭ توێژەری کۆمەڵایەتی

٭ توێژەری دەرونی

ئەزمون و شیاوی :

1- بڕوانامەی زانکۆ لە پەرستاری لە زانکۆیەکی دانپێدانراو یان پەیمانگایەکی دانپێدانراو.

2- ( 1 بۆ 2 ) ساڵ ئەزمونی کارکردنی هەبێت لە کەرتی تەندروستی و پێشکەشکردنی ( بەڵگە ) کاتێک داوای لێ دەکرێت.

3- پابەندبون بە سیاسەتی پاراستنی منداڵ تایبەت بە ڕێکخراوی منداڵپارێزی کوردستان. پێویستە پێشکەشکار زانیاری گشتی لەسەر پاراستن و پەروەردەکردنی منداڵ و مافە جیهانییەکانی منداڵان هەبێت

4- شارەزایی و لێهاتووبێت لە ڕێکارو هەنگاوە سەرەتاییەکانی فریاکەوتن و توانای هەبێت بۆ دەستبەجێ کاردانەوەی دۆخی پزیشکی.

5- پێویستە بەشێوەی تایبەت مامەڵە لەگەڵ خێزانی منداڵ بکات

6- شارەزابێت لە شێوازی گەیاندنی زانیاری لە کاتی دەرکردنی نەخۆش لە نەخۆشخانە

7- لە توانایدابێت ئامێرە تەکنەلۆجییەکانی ناو نەخۆشخانە بەکاربهێنێت.

ئەو زانیاریانەی پێویستە  سیڤییەکەدا خرابنەڕوو:

1-شوێنی نیشتەجێبون.

2-جۆری بڕوانامە

3-تەمەن

4-کاری پێشو ( شوێن - مەودای کاتی کارکردن - جۆری کار (

5- کاری خۆبەخشی

* دوا وادە بۆ پێشکەشکردنی داواکاری دامەزراندن 24/ 2 / 2022 دەبێت.