ماتیۆ تۆلەر، باڵیۆزی ئەمەریكا لە عێراق رایدەگەیەنێت " دەركردنی یاسای نەوت و گاز گونجاوترین رێگەچارەیە بۆ چارەسەركردنی كێشەكانی نەوت و گاز لەبارەی دابەشكردنی داهاتەكەی لەنێوان حكومەتی هەرێم و ناوەند".
ماتیۆ تۆلەر باڵیۆزی ئەمریكا لە عێراق لە دیدارێكدا لەگەڵ بەشێك لە میدیاكان رایگەیاندووە "پەیوەندییەكانی هەولێر و بەغدا هەندێك جار ئارام بووە و هەندێك جاریش خراپ بووە و باسی لەوەشكرد، بەشێك لە وڵاتانی دیكە و چەند فاكتەرێكی دیكەی دەرەكی كاریگەرییان هەبووە لە سەر پەیوەندییەكانی هەرێم و بەغدا".
سەبارەت بە كێشە نەوتییەكانی نێوان هەرێم و بەغداش تۆلەر ئاماژەی بەوەكردوە "دەركردنی یاسای نەوت و گاز گونجاوترین رێگەچارەیە بۆ چارەسەركردنی كێشەكانی نەوت و گاز لەبارەی دابەشكردنی داهاتەكەی لەنێوان حكومەتی هەرێم و ناوەند".
هەروەها وتویەتی "لەنێو لایەنە سیاسییەكاندا هەوڵێك هەیە بۆ قۆستنەوەی ئەو هەلومەرجانەی لە ئێستادا لە عێراقدا دەگوزارێن و هۆكارەكەشی لاوازی حكومەتی كاربەڕێكەرە".