گۆرانیبێژی ناسراوی لوبنانی و عەرەب، میریام فارس لە مانگی داهاتوو سەردانی هەرێمی كوردستان دەکات و كۆنسێرتێك سازدەكات.
میریام فارس كە بە شاژنی سەرشانۆ ناسراوە، لە پێگەی تایبەتی خۆی لە تۆڕی کۆمەڵایەتی ئینستاگرام رایگەیاند" ڕۆژی ٤ی مانگی داهاتوو لە شاری هەولێر كۆنسێرتێك بۆ هەوادار و گوێگرەكانی سازدەكات و لە نزیكەوە گۆرانییان بۆ دەڵێت".
میریام فارس بەهۆی جوانی و شیكی و سەرنجڕاكێشیەوە ناسراوە بە (شاژنی شانۆ)، لە ساڵی (١٩٨٣) لە دایكبووە لە تەمەنی منداڵیەوە دەستی بەكاری هونەری كردووە، هاوسەرگیری لەگەڵ بازرگانێكی ئەمەریكی كردووە، بەناوی (دانی مێتری) دوور لە چاوی كامێرا و میدیاكان، پاشان لە ساڵی (٢٠١٦) دەبێتە خاوەنی منداڵێك بەناوی جایدن.