بانكی ناوەندی عێراق خشتەی فرۆشی دۆلاری بۆ ئەمڕۆ بڵاوكردەوە و زیاتر لە 197 ملیۆن دۆلاری خستۆتە بازاڕەوە.
بەپێی راگەیەندراوەكەی بانكی ناوەندی كە وێنەیەكی دەست ماڵپەڕی (سپی) كەوتووە، ئەمڕۆ چوارشەممە بڕی 197 ملیۆن و 154 هەزار و 228 دۆلاری خستۆتە بازاڕەوە، لەو بڕەش 167 ملیۆن و 274 هەزار و 228 دۆلاریان بەشێوەی حەواڵە و 29 ملیۆن و 880 هەزار دۆلاریشی بەشێوەی نەقدی بووە.
ئەوەش لەكاتێكدایە نرخی ئەم بەیانییەی دۆلار لەكاتی كردنەوەی بازاڕ بەراورد بە دوێنێ بەیانی دابەزیبوو بە جۆرێك نرخی 100 دۆلار بە 156 هەزار دینار بوو.