دوای رزگارکردنی کوبانێ لەلایەن شەڕڤانانەوە لە کۆتایی ساڵی رابردوو، بۆ جاری دووەم دوێنێ سەرۆک تورکیا هەڕەشەی لە رۆژئاوا کردەوەو وتی" رێگا نادەین قەوارەیەک لە باکوری سوریا دروستبێت".
تەیب ئۆردوغان رۆژی ٦/٢٦ لە کاتی بەربەنگدا لە گەڵ رێکخراوی مانگی سوور لە ئیستەنبووڵ وتی: رژێمی بەشار و داعش و رێکخراوی جوداخواز ( پەکەکە) لەسەر زەوی هەمان سیاسەت پەیڕەو دەکەن.
ئۆردوغان بەتوندی ئەو لێدوانانەشی رەتکردەوە کە دەیانەوێت ناوی تورکیا بە تەنشیت رێکخراوی "تیرۆریستی" داعشەوە دابنێن.
دەربارەی رزگارکردنی ناوچەکانی سەرسنوری تورکیا لەلایەن یەپەگەوە،ئەردۆغان وتی: دەیانەوێت بەو ئۆپەراسیۆنانە دیمۆگرافیای ئەو ناوچانە بەتەواوی بگۆڕن."