لەسەر داوای پەرلەمانتارێکی گۆڕان بە گوێرەی پەیرەوی ناوخۆی پەرلەمان واژۆی پێویستی کۆکردوتەوە بۆ ئەوەی دوخی خراپی موچەخۆرانی هەرێم بخرێتە بەرنامەی کاری یەکێک لە نزیکترین دانیشتنەکانی داهاتوی پرلەمانی عێراق .
لەو بارەیەوە هوشیار عەبدوڵا بە سپی راگەیاند" بە هۆی ئەوەی پەرلەمانی کوردستان پەکی کەوتوە و پەرلەمانی عیراقیش پەرلەمانێکی ئیتحادی هەموو عێراقە بە گرنگم زانی لە برگەیەکی تایبەتدا موچە و بژێوی فەرمانبەران تاوتوێ بکەین بە تایبەت کە ئێمە ساڵانە لە یاسای بودجە کێشەی نەوت و موچە چارەسەر دەکەین بەڵام ئیلتیزامی پێوە ناکرێت ؛ جیا لەوەی چەندین جار لەگەڵ هەردوو حکومەتی هەرێم و ئیتحادی چەندین دانیشتن وکۆبونەوەمان کردوە بەڵام بێ سود بووە ".
هوشیار عەبدوڵا وتیشی" لەگەڵ بەرێزان سەرۆکی پەرلەمان و جێگرەکانی قسەم کردوە و رەزامەندیان نیشانداوە کە هەفتەی داهاتوو بخرێتە بەرنامەی کارەوە" .
ئەو داوایەی پەرلەمانتارەکەی گۆران واژۆی پیویستی لە لایەن نوینەری زوربەی فراکسێونەکانی ئەنجومەنی نوێنەران خراوەتە روو .
یاداشت و ناوەکانی داوای ئەو کۆبوونەوەیان کردووە..