بنیامین نەتانیاهۆ، سەرۆك وەزیرانی ئیسرائیل راگەیێندراوێكی لەبارەی سیاسەتی وڵاتەكەی بەرامبەر كورد بڵاوكردەوە و رایگەیاند "پشتگیری مافی یاسایی گەلی كورد دەكەن بۆ دامەزراندنی دەوڵەتی خۆیان".

لەبارەی پارتی كرێكارانی كوردستان (پەكەكە)، بنیامین نەتانیاهۆ دەڵێت "ئیسرائیل دژی پەكەكەیە و بە گرووپێكی تیرۆریستی دادەنێت، بەپێچەوانەی توركیا كە پشتگیریی گرووپی تیرۆریستی حەماس دەكات".

بۆ یەكەمجار لە ساڵی 2014 بنیامین نەتانیاهۆ پشتگیریی ئیسرائیلی بۆ سەربەخۆیی و دامەزراندنی دەوڵەتی كوردستان راگەیاند.،دواجاریش مانگی رابردوو بوو كاتێك لەگەڵ 35 كۆنگرێسمانی كۆمارییەكانی ئەمریكا كۆبووەوە و رایگەیاند، لە بەرژەوەندی ئیسرائیل و رۆژئاوایە دەوڵەتی كوردستان دابمەزرێت.

سەرەتای ئەم هەفتەیەش ئایلێت شاكید، وەزیری دادی ئیسرائیل رایگەیاند، ئیسرائیل پشتیوانی لە سەربەخۆیی كورد، بەلایەنی كەمەوە لەسەربەخۆیی كوردی عێراق دەكات، وتیشی "ئیسرائیل و وڵاتانی رۆژئاوا بەرژەوەندییەكی زۆریان لە دروستبوونی دەوڵەتی كوردستان هەیە، پێموایە ئێستا كاتی هاتووە، ئەمریكا پشتیوانی لەو پرۆسەیە بكات".