بەڕێوەبەری گشتیی راگەیاندنی وەزارەتی پێشمەرگە ڕایگەیاند، دابەشكردنی موچەی وەزارەتی پێشمەرگە لەم هەفتەیەدا دەستپێدەكاتەوە.
بەڕێوەبەری گشتی راگەیاندنی وەزارەتی پێشمەرگە، عەمید ھەڵگورد حیكمەت، بە ماڵپەری رەسمی پارتی راگەیاندوە”پرسی دابەشكردنی موچە یەكلابوەتەوەو دەست بە دابەشكردنی كراوە، تاوەكو ئێستایش تەنیا موچەی دیوانی وەزارەتی پێشمەرگەو چەند لیوایەك ماون موچە وەربگرن، ئەوانەی دیكە بە یەكەكانی 70و 80شەوە ھەموی موچەی وەرگرتوە”.
عەمید ھەڵگورد حیكمەت،وتوشیەتی”ھیچ كێشەیەك لەئارادا نییە و تەنیا هەفتەی رابردو ئەو پارەیەی بۆ دابەشكردنی موچە رەوانە كرابو لەلایەن وەزارەتی دارایییەوە، بەشی نەكرد و بڕیارە ئەم هەفتەیە پارە رەوانە بكەن و موچەی ئەوانی دیكەیش دابەش بكرێت”