سەرەڕای ئەوەی بڕیاربوو ئەمڕۆ موچەی مانگی حوزەیرانی وەزارەتی خوێندنی باڵا لەگەڵ وەزارەتی كاروباری شەهیدان و ئەنفالكراواندا دابەشبكرێت، بەڵام گۆڕانكاری لەخشتەی موچەدا كرا.
بەگوێرەی ئەو ئاگاداریەی كە لە ڕۆژانی ڕابردوودا بۆ گەنجینەكان نێردرابوون بڕیاربوو ئەمڕۆ موچەی مانگی حوزەیرانی وەزارەتەكانی خوێندنی باڵای هەرێم و كەسوكاری شەهیدان و ئەنفالكراوان دابەشبكرێت.
بەڵام بە گوێرەی زانیاریەكان شەوی ڕابردوو لەلایەن بانكی ناوەندی هەرێمەوە بانكەكان ئاگاداركراونەتەوە ئەمڕۆ چوارشەممە 12ی 9ی 2018 تەنها موچەی وەزارەتی كاروباری شەهیدان و ئەنفالكراوان دابەشدەكرێت و موچەی وەزارەتی خوێندنی باڵاو توێژینەوەی زانستی دەخرێتە سبەینێ پێنجشەممە 13ی 9ی 2018 و ئەمڕۆ موچە وەرناگرن.
هەفتەی ڕابردوو دابەشكردنی موچەی مانگی شەش (حوزەیرا) دەستیپێكردوو تا ئەمڕۆ هەریەكە لە وەزارەتەكانی پێشمەرگە و پەروەردە و تەندروستی و دارایی موچەیان وەرگرتووە.
ئەوە دووەمین مانگە وەزارەتی دارایی بەبێ هیچ ڕاگەیاندراوێكی فەرمی، مووچەی فەرمانبەران دابەش دەكات، بەڵام تاوەكوو ئێستا فەرمانبەران بە تەواوەتی ئەو ڕۆژە نازانن كە تێیدا مووچەی مانگانەیان وەردەگرن.