وەزارەتی دارای و ئابوری هەرێم بەردەوامە لە دابەشکردنی موچە و بەپێی زانیارییەکانیش هەفتەی داهاتوو موچەی تەواوی وەزارەت و دەستەكان دابەش دەكرێت.
سەرچاوەیەک لە وەزارەتی دارایی و ئابوری هەرێم راگەیاند، سبەینێ پێنجشەممە 15ی تشرینی دووەم، موچەی مانگی یاب-ی وەزارەتی ئەوقاف و كاروباری ئاینی دابەشدەكرێت.
بەپێی زانیارییەکانی "سپی" لەگەڵ گەیشتنی 317 ملیار دینارەكەی بەغدا، لە سەرەتای هەفتەی داهاتووەوە خشتەی نوێی موچە بڵاودەكرێتەوەو موچەی تەواوی وەزارەت و دەستەو سەرۆكایەتییەكان دابەشدەكرێت.
هەروەها ئەمڕۆ چوارشەممە 14ی تشرینی دووەم، بڕی 317 ملیار دینارەكەی موچەی فەرمانبەرانی هەرێم لە بەغداوە گەیشتۆتە هەرێمی كوردستان و بڕیارە سەبەینێش بخرێتە سەر هەژماری بانكیی وەزارەتی دارایی هەرێم.