کۆبوونەوەی وەفدی دانوستانکاری نێوان یەکێتی و پارتی کە لەسلێمانی بەڕێوەچوو سەرکەوتوو نەبوو.

سەرچاوەیەکی ئاگادار بە سپی راگەیاند" لەسەر دابەشکردنی پۆستەکانی هەر سێ سەرۆکایەتی هەرێم و حکومەت و وەزارەتەکان و پەرلەمان، یەکێتی و پارتی نەیانتوانی بگەنە ئەنجام".

بەپێی ئەو زانیاریانەی دەست سپی کەوتووە یەکێتی مکوڕ بووە لەسەر وەرگرتنی پۆستی وەزارەتی ناوخۆ و وەزارەتی تەندروستی، بەلآم پارتی ئامادە نەبووە داواکاریەکەی یەکێتی جێبەجێ بکات و سەرلەنوی پێشنیاری پێدانی وەزارەتی پێشمەرگەو چوار وەزارەتی تری خستۆتەوە بەردەم یەکێتی.

داواکارییەکانی یەکێتی و پارتی بەبی ئەوەی هیچ جوڵەیەک بکات و لێکنزیکبوونەوە رووبدات لە نێوان هەردوولادا، وەک هەمان مەرج و داواکاری کۆبوونەوەی ٢٤ی ئازاری هەولێر ماوەتەوە.

لە کۆبوونەوەی ئەمڕۆشدا پارتی ئامادە نەبووە جێگرێکی تر بۆ پۆستی سەرۆکی زیاتر بکات، سەرۆکی هەرێم تەنها یەک جێگری هەیەو ئەویش دراوە بە بزووتنەوەی گۆڕان.