ئەندامێکی ئەنجومەنی
نوێنەرانی عێراق ڕایگەیاند، دوو بەرپرسی وەزارەتی سامانە سروشتیەکان بەهۆی هێنانی
سوتەمانی کوالێتی خراپەوە دەستگیرکراون، و لەشکریکی دیکەش لەپشتیانەوەیە دەبی
گوڵەچنە بکرێن.
لە نوسینێکیدا لە تۆڕی
کۆمەڵایەتی فەیس بوک غالب محەمەد ئەندامی ئەنجومەنی نوێنەرانی عێراق ڕایگەیاندوە،
بانگهێشتکرام بۆ دەستەی نەزاهە و ڕۆژی سێ شەممە ڕۆشتم بۆ هەولێر بۆئەوەی شاهێدبم لەو كەیسە كە لەئێستادا
بازرگانێكی نەوت و راوێژكارێكی وەزارەتی سامانە سروشتیەكان و بەڕێوەبەرێكی گشتی
لەوەزارەتی سامانە سروشتیەكان دەستبەسەر كراون، كە ئەوكات سوتەمەنی كوالیتی خراپ
هێنراوە هەوڵدراوە بەپاڵپشتی ئەمان بهێنرێتە هەرێمی كوردستان.
نوسیویەتی، بەڵام ئێمە وەک ئەرکی خۆمان بوینە
ڕێگر لە ئەو کارە و نەمانهێشت ئەو سوتەمەنیە بهێنرێتە هەرێمی کوردستان و
گەڕاندماننەوە.
ئاماژەی بەوەشکردوە، لەئێستاشدا دوو بەرپرسی
باڵایی وەزارەتی سامانە سروشتیەكان دەستگیركراون و ناوی بەرپرسی باڵای تریش
هێنراوە كەدەبێت لێكۆڵینەوەی لەگەڵ بكرێت، بازرگانەكەش دوایی ١٤ ڕۆژ بەكەفالەت
ئازادكراوە و لەشكرێكی تریش لەپشتیانەوەیە دەبێت گوڵەچنەبكرێن و پیسەكانیان جیا
بكرێنەوە .
باسلەوەدەکا لە هەفتەی
داهاتودا کەیسەکە دێتەوە هەولێر و دەڵێ ، هیوادارم محكەمەی هەولێر بەبێ لایەنانە و
دورلەبیركردنەوەی تەسكی حیزبی بڕیار بدات و سەربەخۆی خۆی بپارێزێت، وەبەرپرسە
باڵاكانی حكومەتیش دەست وەردان نەكەن تێیدا.
هۆشداریش دەدات ئەگەر حکومەتی هەرێم دەستوەردان
بکات لەو کەیسەدا ئەو بەڵگانە بڵاودەكەینەوە ئێستا لامانە كەخۆی دەبینێتەوە لەبەڵگەی
دەنگی و ڤیدۆو نوسراودا.