سلێمانی: زیادبونی‌ زیاتری‌ كاته‌كانی‌ كاره‌بای نیشتیمانی ڕاگەیەنرا

‌

وته‌بێژی به‌ڕێوه‌به‌رایه‌تی گشتی کارەبایی سلێمانی رایگەیاند" کە زستانی ئه‌مساڵ كاره‌بای نیشتیمانی به‌به‌راورد به‌ساڵی ڕابردوو زۆر باشتر ده‌بێت،هەروەها بار زۆری سه‌ر فیده‌ره‌كانی كاره‌با كه‌مبۆته‌وه‌ و ئاستی به‌رهه‌مهێنانی  كاره‌باش زیادیكردووه". ‌

سیروان محه‌مه‌د، وته‌بێژی به‌ڕێوه‌به‌رایه‌تی گشتیی كاره‌بای سلێمانی ڕایدەگەیەنێت، زستانی ئه‌مساڵ كاره‌بای نیشتیمانی به‌به‌راورد به‌ساڵی ڕابردوو زۆر باشتر ده‌بێت، چونكه‌ به‌ڕێوه‌به‌رایه‌تی گشتیی كاره‌بای سلێمانی، بودجه‌یه‌كی زۆری ته‌رخانكردوه‌ بۆچاككردنی محاویله‌ی كاره‌بایی و نوێكردنه‌وه‌ی تۆڕه‌كانی كاره‌با و دابینكردنی محاویله‌ی یارمه‌تیده‌ر بۆ به‌شێكی زۆر له‌گه‌ڕه‌كه‌كان. 

له‌ئێستادا ڕۆژانه‌ كاره‌بای نیشتیمانی 23 كاتژمێر ده‌درێته‌ ماڵان و پێدانی كاره‌باش به‌مشێوه‌یه‌ تاوه‌كو مانگی 11 به‌رده‌وامده‌بێت، مانگی نۆی ساڵی ڕابردوو نرخی مۆلیده‌ بۆ هه‌ر ئه‌مپێرێك، 13 هه‌زار دینار بوو، به‌ڵام بۆ مانگی نۆی ئه‌مساڵ نرخ مۆلیده‌ زۆر كه‌متر ده‌بێت به‌به‌راورد به‌نرخی مانگی نۆی ساڵ پار، چونكه‌ كاره‌بای نیشتیمانی زۆر زیادیكردووه. 
 


PM:12:08:17/09/2019








ئەستێرەکان

Spee Media