پسپۆرێکی کەشناسی پێشبینی دەکات لە یەک شەممە ٧ ی شوبات بۆ ماوەی هەفتەیەک کەشوهەوا ئاسایی و هاوشێوەی بەهار دەبێت، بەڵام لە ١٣ شوباتەوە گۆڕانکاری بەسەر کەشوهەوادا دێت و پلەکانی گەرما دادەبەزێت و بەفر دەبارێت.
لە راگەیەنراوێك پسپۆری بواری کەشناسی، ئاراس جەبار لە سەكۆی ئەلەكترۆنی "كەش و هەوای هەرێمی كوردستان" ئەمڕۆ هەینی بڵاویکردەوە دەڵێت " پاش كۆتاییهاتنی ئەم شەپۆلە بارانەی ئێستا بەرزبوونەوەی بەرچاوی پلەکانی گەرما ڕوودەدات و کەشێکی زیاتر نیمچە بەھاری زاڵ دەبێت بەسەر هەرێمی كوردستان".
ئەو پسپۆرە دەشڵێت " لە رۆژانی ١٣ی مانگەوە گۆڕانکاری روودەدات و شەپۆلەکانی بارانبارین و بەفر ناوچەکانمان دەگرێتەوە".
كەش و هەوای هەرێمی كوردستانیش پێشبینی دەكات لەو شەپۆلە نوێیەدا، بەفر لەسەنتەری بەشێک لە شارەکاندا ببارێتەوە.