تەقینەوەیەکی بەهێزی خۆکوژی لە ناوچەی مەشتەل لە بەغدا ژمارەیەک کوژراو و بریندارى لێکەوتەوە.
بەپێی هەواڵی میدیاکانی عێراق، سه‌رله‌به‌یانی ئه‌مڕۆ سێشەممە ٢٣ی ئازار لە ناوچەی مەشتەل تەقینەوەیەکی خۆكوژی لە بەغدای پایتەختی عیراق روویدا.
میدیاکانی عیراق باس لەوەشدەکەن،تەقینەوەكە لەلایەن كەسێكی خۆكوژەوە ئەنجام دراوە و لەسەر ماتۆڕ سكیلێك خۆی تەقاندووەتەوە.
هاوکات بەپێی ئامارە سەرەتاییەکان، تا ئێستا لە تەقینەوەکە هاوڵاتییەک گیانی لەدەستداوە و دوو کەسیش برینداربوون.
لە ئێستادا هێزە ئەمنییەکان گەیشتوونەتە شوێنی ڕووداوەکە و لێكۆڵینەوەكانیان لەوبارەیەوە دەستپێكردووە.