وەزارەتی دارایی و ئابوری ئەمڕۆ رێنماییەكی نوێی بۆ وەزارەت و دام و دەزگاكان گشتاندوە و رایدەگەیەنێت، ئاماژە بە كۆنووسی ژمارە 46 لە 7ی 12ی 2021 لیژنەی پێداچوونەوە و دەركردنی رێنماییە داراییەكان ئەو فەرمانبەرانەی كە خانەنشینكراون و پاداشتی خانەنشینیان وەرگرتووە، بەڵام دووبارە دامەزراونەتەوە و خانەنشینكراون، پێویستە رەچاوی ئەم دەقەی خوارەوە بكەن.

وەزارەتی دارایی دەڵێت "ئەو فەرمانبەرانەی كە دامەزراونەتەوە یان گەڕاونەتەوە سەر كار و پاداشتی خانەنشینیان بۆ خەرجكراوە بەپێی یاسا و رێنماییە كارپێكراوەكان دەبوایە پاداشتی خانەنشینییان بگەڕاندبایەتەوە بۆ گەنجینەی حكومەتی هەرێم لەلایەن فەرمانگەكەیەوە، بەڵام نەیانگەڕاندۆتەوە و دووبارە خانەنشین كراونەتەوە دەتوانن ئەو پاداشتە بگەڕێننەوە دووبارە لەسەر خانەنشینكردنی دووەمجار پاداشتیان بۆ خەرج بكرێتەوە لەماوەی 60 رۆژ لەڕێكەوتی دەرچوونی ئەم گشتاندنە".