باڵیۆزخانەی ئەمریکا لە هەولێر لەسەر رووداوەکەی شەوی ڕابردووی هەولێر راگەیەندراوێکی بڵاوکردەوە و دەڵێت" ئەو هێرشە هەڕەمەکییانە شوێنیان لە عێراق و هەرێمی کوردستان نابێتەوە".
کونسوڵخانەی ئەمریکا لە هەولێر کەمێک پێش ئێستا لە هەژماری تایبەتی خۆی لە تۆڕی کۆمەڵایەتی فەیسبوک ڕایگەیاند"
سەرکۆنەی ئەو هێرشە دەکەین کە شەوی رابردوو کرایە سەر هەولێر و بووە هۆی برینداربوونی هاووڵاتییانی سڤیل و زیانگەیاندن بە موڵک و ماڵەکانیان".
ماڵپەڕی (سپی) لە تێلیگرام جۆین بکە
جەختیش دەکاتەوە، ئەو هێرشە هەڕەمەکییانە شوێنیان لە عێراق و هەرێمی کوردستان نابێتەوە، دەبێتە هۆی کەمکردنەوەی دەسەڵاتی دەوڵەت و هەڕەشە لە سەلامەتی و ئاسایشی گەلی عێراق دەکات.
لە بەشێکی تری ڕاگەیاندراوەکەدا هاتووە" ویلایەتە یەکگرتووەکانی ئەمریکا جەخت لەسەر پابەندبوون بە کارکردن لەگەڵ هاوبەشە عێراقییەکانمان و هەرێمی کوردستان دەکاتەوە بەرەو ئامانجە هاوبەشەکەمان کە خۆی لە عێراقێکی ئاسایش و سەقامگیر و گەشەکردووی دیموکراسی دەبینێتەوە".