ئەمڕۆ پێنج شەممە، بەڕێوەبەرایەتی پۆلیسی کەرکوک دەستگیرکردنی تۆمەتباری
رووداوەکەی راگەیاند و لە لێکۆڵینەوەکاندا تۆمەتبار دانی بەوەداناوە کە بەهۆی ناکۆکییەوە
هاوڕێكەی کوشتوە.
بەڕێوەبەرایەتی پۆلیسی کەرکوک ئەمڕۆ پێنجشەممە ٢٣ی
حوزەیران، لەراگەیەنراوێکدا باسی لەوەکردوە، دوای دەستپێكردنی لێكۆڵینەوەكان گەیشتون بە سەرەداوی رووداوەكە و لەلایەن هێزەكانی
نەهێشتنی تاوانەوە تۆمەتبارەکە دەستگیركراوە، لەکاتی لێکۆڵینەوەکانیشدا دانی بە
تاوانەكەیدا ناوە.
ئاماژە بەوەشکراوە، تۆمەتبار هۆکاری رووداوەکەی
بۆ ئەوە گەڕاندوەتەوە کە ناکۆکی لەنێوانیاندا دروستبوە و لەو کاتەشدا "سەرخۆش
بوە".
ئەمەش لەکاتێکدایە، شەوی ٢٢ی حوزەیران، تەرمی گەنجێك
لە ناوچەی تسعینی ناوەڕاستی شاری كەركوك دۆزرایەوە، كە چەكدارێكی سەر بە لیوای ١٦ی
میحوەری باكوری حەشدی شەعبی بوە و لە كامێرای چاودێریدا دەركەوتوە، کە لەگەڵ هاوڕێكانیدا
دەبێتە شەڕیان.