کونسوڵخانەی بەریتانیا لە هەرێم لەبارەی دەستگیرکردنی ڕۆژنامەنوسان و پەرلەمانتاران و چالاکوان لە خۆپیشاندانەکانی دوێنێی بەشێک لە ناوچەکانی هەرێمی کوردستان پەیامێکی بڵاوکردەوە و دەڵێت" زۆر نیگەرانین لەو مامەڵەکردنە".
جەیمی هامیل جێگری کۆنسوڵی گشتی بەریتانیا لە هەرێمی کوردستان لە هەژماری تایبەتی خۆی لە تۆڕی کۆمەڵایەتی تویتەر پەیامێکی بڵاوکردەوە و ئاماژە بەوەدەکات" زۆر نیگەرانین لەدەستگیرکردنی ئەندامانی پەرلەمان و رۆژنامەنوسان و چالاکوانانی سیاسی، کە دوێنێ لە خۆیشاندانەکاندا لە هەرێمی کوردستان دەستگیرکران".
ئەوەشی خستەڕوو، ئازادی رادەربڕینی دامەزراوە میدیاییەکان بەشێکی گرنگی پڕۆسەی دیموکراسییە.
بڕیاربوو ئێوارەی دوێنی شەممە خۆپیشاندانی سەرتاسەری لە شار و شارۆچەکەکانی هەرێمی ساز بکرێت، به‌ڵام به‌هۆی ڕێگری هێزە ئەمنییەکان له شاری سلێمانی و هه‌ولێر و ده‌ستگیركردنی ژماره‌یه‌كی زۆری په‌رله‌مانتاران و چالاكوانان و ڕۆژنامه‌نوسان، خۆپیشاندانه‌كه وه‌ك پێویست بەڕێوەنەچوو.