یانەی "بلوز" بەڵێنیدا پشتگیری لە ڕاهێنەرە تەمەن 47 ساڵەکە بکات ، کە لە مانگی ئەیلولی ڕابردوودا جێگەی تۆماس توخێلی ئەڵمانی گرتەوە.
دەستەی هاندەرانی چێڵسی بەیاننامەیەکی بڵاوکردەوە و پشتیوانی خۆی بۆ لێکۆڵینەوە لەو هەڕەشانە پشتڕاستکردەوە.
لە بەیاننامەکەدا ئاماژە بەوەشکراوە ، یەکێتی هاندەرانی چێڵسی تووشی شۆک بووە لەوەی هەڕەشەی کوشتن لە گراهام پۆتەر و خێزانەکەی کراوە.
لە درێژەی قسەکانیدا وتی:" کارەکانی ئەو کەسانە قێزەونن و نوێنەرایەتی هاندەرانی چێڵسی ناکەن ، نابێت ڕاهێنەر و خێزانەکەی بەر هیچ جۆرە هەڕەشەیەک بکەوێت، ئێمە زۆر بێ هیوا بووین ".
لە بەیاننامەکەدا هاتووە :"لە کاتێکدا مشتومڕکردن و هەڵسەنگاندنی ئەدای کارکردن بەشێکە لە یارییەکە ، بەڵام نابێت تێکبچێت و ببێتە ڕەفتارێک کە هێرشبەرانە بۆ تاکەکان یان خێزانەکانیان".
چێڵسی - کە سبەی لە هەفتەی ٢٥ی خولی نایابی ئینگلیزیدا سەردانی تۆتنهام دەکات - لە ڕیزبەندی پرێمەرلیگی ئینگلتەرا بە کۆکردنەوەی ٣١ خاڵ پلەی دەیەمی گرتووە.