ئەمڕۆ سێشەممە لە هەریەک لە شارەكانی ئامەد و جزیرەی سەر بە باكووری كوردستان، مەراسیمی جەماوەری بۆ پیرۆزكردنی نەورۆز بەڕێوەدەچێت.
مەراسیمەکانی جەژنی نەورۆز لە دەیان شاری باكووری كوردستان و توركیا بە دروشمەكانی (لە هەموو شوێنێك نەورۆز، هەمیشە ئازادی و بە ئاگری نەورۆز بەرەو ئازادی) بەڕێوەچووە.
هەروەها نەورۆزی ئەمساڵ تایبەت كراوە بە قوربانیانی بوومەلەرزەكەی مانگی ڕابردوو كە شاری مەڕەش و چەندین ناوچەی باكووری كوردستان و توركیای گرتەوە.
هەروەها لە بەرەبەیانی ئەمڕۆوە لە شارەكانی ئامەد و جزیرە هاوڵاتییان ڕوویان لە گۆڕەپانەكانی نەورۆز كردووە.