ئەژی ئەمین سەرۆكی پێشووی دەزگای زانیاری یەكێتی، ئەمشەو چوارشەممە ٣١ی ئایاری ٢٠٢٣ پەیامێکی پیرۆزبای بە بۆبەی یادی دامەزراندی یەکێتی نیشتیمانی کوردستان بڵاوکردەوە و ڕایگەیاند" لەم ڕۆژانەدا هەرێمی کوردستان بە بارودۆخێکدا تێدەپەڕێت، کە هەوڵی نەزۆک هەن بۆئەوەی ئەزموونی هەرێمی کوردستان بخرێتە مەترسییەوە، بەشێوەیەک کە نەتەوەکەمان لەسەروەری خاک و هەنگاو بۆ سەربەخۆییەوە بەرەو پەرت و پەرتەوازەکردن و دابەشکردنی بەسەر چەند پارێزگایەکدا خۆی ببینێتەوە".
دەشڵێت" هەرکەس و لایەنێک پشتگیری لە مامەڵەی ڕاستەوخۆی بەغدا لەگەڵ پارێزگاکاندا بکات، خەونی داگیرکەران و دوژمنانی ئەم نەتەوەیە دەهێنێتەدی، لە بنەڕەتیشدا دژایەتی دروشم و ئامانجە باڵاکانی یەکێتی دەکات".
ئەژی ئەمین لە بەشێکی دیکەی بڵاوکراوەکەدا ئاماژە بەوەش دەکات" گومانی تێدانیە یەکێتیە راستەقینەکان و خەباتگێڕە نەبەردەکانی کورد هیچ کات خۆیان ناخەنە بەرەی خیانەت لە نەتەوەکەیان".
پەیامەکەی ئەژی ئەمین لە کاتێکدایە،
ڕۆژی ٢٢ی ئەم مانگە ئەژی ئەمین گەڕایەوە شاری سلێمانی و لەگەڵ بافڵ تاڵەبانی سەرۆكی ئێستای یەكێتی نیشتیمانی کوردستان کۆبووەوە.