لهبارهی هێرشهكهی سهر فڕۆكهخانهی عهربهت لە سلێمانی وهزارهتی دهرهوهی توركیا رایگهیاند،" لهكاتی هێرشهكهدا ئەندامانی دژە تیرۆری سەر بە یەکێتی نیشتیمانی كوردستان لهگهڵ هێزهكانی یهپهگه پێکەوە مەشق و راهێنانیان دەکرد".
ئەمڕۆ سێشەممە ١٩ی ئەیلولی ٢٠٢٣، وهزارهتی دهرهوهی توركیا رایگهیاندوه، "لە عێراق چالاکییەكانی هێزهكانی پهكهكه و یهپهگه چڕبونەتەوە و ڕێڕەوێكیان لە نێوان سوریا و عێراق دامەزراندوه، بە وردی چاودێری دەکرێن".
دەربارەی هێرشهكهی سهر فڕۆكهخانهكه توركیا ئاماژەی بەوەکرد،"زانراوە لەکاتی تەقینەوەکەدا ئەندامانی گروپی دژە تیرۆری سەر بە یەکێتی لەگەڵ هێزهكانی پهكهكه و یهپهگه پێکەوە مەشق و ڕاهێنانیان دەکرد، ئەم پێشهاتە بە ڕونی هاوکاریی هەندێک لایهنی ئەمنیی سەر بە یەکێتی لەگەڵ ئەندامانی ئەو یهپهگه ئاشکرا کردوە".
له راگهیهندراوهكهدا هاتوه، "تورکیا پێشبینی دەکات حکومەتی ناوەندی عێراق و دەسەڵاتدارانی هەرێمی کوردستان دان بەبونی پەکەکە و هێزهكانی سهر بهو هێزهكاندا بنێن و بەرەنگاریان ببنەوە".
ئێوارەی دوێنێ دوشەممە فڕۆکەخانەی عەربەت لەلایەن فڕۆکەی بێفڕۆکەوانی تورکیاوە بۆردومان کرا، لە ئەنجامدا سێ پێشمەرگەی سەر بە هێزەکانی دژە دژەتیرۆری کوردستان (CTG) شەهیدبون و سیانیش برینداربون.
وێنەی ڕاگەیاندراوەکەی تورکیا :