ئەندامێکی خولی پێشووی ئەنجوومەنی نوێنەرانی عێراق لە فراکسیۆنی پارتی وەڵامی عەلی باپیر دەداتەوە و دەڵێت" جەنابیان ئەگر ئەوەندە لە ئێمە بە پەرۆشترە، با بفەرموێت جەنابیان و ھێزێک بڕۆن بۆ غەزە و جیھادی خۆیان بکەن، ڕێگە کراوەیە".

دانای شەهید جەزا لە بڵاوكراوەیەكدا لە هەژماری خۆی لە تۆڕی کۆمەڵایەتی فەیسبوک لە وەڵامی علی باپیر سەرۆکی (کۆمەڵ) نووسیوتی" بفەرمون جەنابتان و ھێزێک بڕۆن بۆ غەزە و جیھادی خۆتان بکەن، ڕێگە کراوەیە".

هەروەها وتویە" بەڕێز مامۆستا عەلی باپیر فەرمویەتی ئەوانەی پشتیوانی لە فەلەستین ناکەن گومان لە کوردایەتی و موسڵمانێتیان دەکرێت.

من نازانم سەرچاوەی ئەم فەتوا قورسە چییە و کام مەزھەبە، بەڵام با مامۆستا دڵنیابێت ئێمە ئیمانمان ھەیە و کوردیشین و پاڵپشتی مافی ڕەوای ھەر میللەت و نەتەوەیەکین لە ھەر شوێنێک بێت و ھەر ئاینێک بێت".

لە کۆتاییدا دانای شەهید جەزا رایگەیاندووە"من شتێک ئەڵێم بەم بۆنەیەوە، ئەوانەی کاتی خۆی نکۆڵیان لە موسڵمانییەتی داعش نەکرد، ئەوانیش لە ھەمان قوتابخانەن... والعاقل یفھم...".