كۆمسیۆنی باڵای هەڵبژاردنەكان لە باكورو رۆژهەڵاتی سوریا (رۆژئاوای كوردستان)، ڕۆژی ٣٠ی ئایاری ئەمساڵی وەک ڕۆژی هەڵبژاردنی شارەوانییەکان دیاریکرد.
كۆمسیۆنی باڵای هەڵبژاردنەكان لە باكور و رۆژهەڵاتی سوریا (رۆژئاوای كوردستان)، لە راگەیەندراوێكدا بڵاویکردەوە" لە یەكەم كۆبوونەوەی کۆمسیۆندا بڕیاردراوە کە رۆژی ٣٠ی ئایاری ئەمساڵ پرۆسەی هەڵبژاردنی شارەوانییەكان لە باكور و رۆژهەڵاتی سوریا بەڕێوەبچێت".
هەر لە ڕاگەیەندراوەکەدا داوا لە گەلانی ناوچەكە دەکات کە بەشداری لە هەڵبژاردنەكەدا بكەن و لەو ڕۆژەدا بچنە سەر سندوقەكانی دەنگدان و دەنگی خۆیان بدەن.
هەڵبژاردنی شارەوانییەکانی مانگی ئایاری ئەمساڵ دەبێتە یەکەم هەڵبژاردن كە بڕیارە لە باكور و رۆژهەڵاتی سوریا ئەنجامبدرێت.