فەرماندەی ئۆپەراسیۆنی بەغدا راگەیاند 536 چەكداری داعش لە هێرشی ئازادكردنی ناوچەكانی رۆژهەڵاتی فەلوجە كوژراون.

عەبدولئەمیر شەمەری بە سۆمریە نیوزی رایگەیاند لەهێرشێكی سوپای عێراق بۆ سەر مۆڵگەكانی داعش لە رۆژهەڵاتی ناوچەی كەرامەی شاری فەلوجە 536 چەكداری داعش كوژراون‌و زیاتر لە 51 هەمەریان سوتێنراوە.

شەمەری ئاماژەی بەوەشكردوە كە توانیوانە 1521 بۆمب لە 204 خانودا پوچەڵ بكەنەوە كە لەلایەن داعشەوە دانرابوو.