بەمەبەستی دیدار لەگەڵ حیزب‌و لایەنە سیاسییەكانی هەرێمی سبەینێ چوارشەممە وەفدێكی باڵای پارتی دیموكراتی گەلان بەسەرپەرشتی سەڵاحەدین دەمیرتاش سەردانی هەرێم دەكات.

بەپێی هەواڵێكی ئاژانسی "مەد" سبەینێ 21/9، سەڵاحەدین دەمیرتاش و شاندێكی یاوەری لەڕێگەی فڕۆكەخانەی نێودەوڵەتی هەولێرەوە دەگاتە هەرێم و هەر لە هەمان ڕۆژدا لەگەڵ مەسعود بارزانی كۆدەبێتەوە.  

ماڵپەرەكە ئەوەشی ئاشكراكردووە كە رۆژی پێنجشەممەش ٢٢ی ئەیلول دەمیرتاش لە هەولێر  لەگەڵ نێچیرڤان بارزانی سەرۆكی حكومەتی هەرێمی كوردستان كۆدەبێتەوە و  بڕیاریشە ڕۆژانی دواتر بچێتە سلێمانی و  لەگەڵ نوینەری یەكێتی و گۆڕان و لایەنەكانی تر كۆببێتەوە.